Анна Ивановна Сычковать портретоц
Федот Васильевич Сычков - мокшэрзянь содавикс художник. Минь инголенк сонь картинац «Художникть тядянц, Анна Ивановна Сычковать портретоц», кона ульсь серматф 1898 кизоня.
Тя картинаста минь няйсаськ ашу авать потмоваймонц. Художниксь ерась няфтемс, конашкава стакаль киц стаконь крестьянкать царскяй Россияса. Тя картинаса сяда лама шобда тюсста. Комнатась шобда. Шобда тюссь няфцы и тядять пичефксонзон-ризфонзон. Тядять лангса олаф уле кофта, равжа тюсса сарафан. Руцяц равжаза-шобда.
Минь няйхтяма тядянь образ, кона няйсь лама нужа, лама вачеши. Сире бабанясь озаф вальмять вакс, улема сон кунара ни учси кельгома церанц эса. Ризфу сталмотнень эзда тядясь няеви пяк ни сиреста. Сиде срмотне керсезь сонь шаманц, кона штань тюсса, ванфон сизефтонга сизеф.
Кодама эряф, мзяра нужа няйсь, мзяра сельмоведь пяярдсь тя авась и педа пес ашезь кенерькшне лисендемс валда кис-янц, кода тага сатнезь сонь од сталмотне - стакаста сярядематне. Да и кода тейст аф улемс, ня сярятфненди, кда тняра сталма кирдсьть тядянь лафтубрятне, кинц перселезь нужатне.
Натали ИВОЛГИНАСЬ