Возрождение

Гайняйхть "Ляйнять" моронза

Ансамбльть составозонза сувсихть котоце и сисемце классонь тонафнихне - Юдина Иринась, Кузнецова Александрась, Плаксина Кристинась, Курбаниязова Алинась, Савина Светланась, Левина Светланась, Кирпичева Иринась, Емагулова Каринась (снимкаса). Иттне оцю мяльса морайхть мазы рузонь, мокшэрзянь морот, конатнень эса маряви оцю кельгома шачема крайти, кяльти и национальнай щапненди. Тяни школаса, а стане же районца сембе илатнень эса кайгихть "Ляйня" ансамбльть моронза. Ансамбльть руководителец В.В.Базаевась лама азоды эсь уроконзон эса мокшень обуцятнень, традициятнень колга. Тонафты, штоба емластакиге касфтомс шабатнень кельгомаснон мокшэрзянь национальнай культурати, лятфтамс сире койхнень-обуцятнень, няфтемс - конашкава мазы и козя минь народоньке вайме ширде. Аф кунара иттне примасть участие районнай и республиканскяй форумть "Одаренные дети" эса и сатозь васенце васть "Музыкальная" номинацияса. Надиятама, што "Ляйня" ансамбльсь аф весть нинге гайняфты тейнек мокшень морот.

Еще материалы

Комментарии