Корхтатама поэтть З. Ф. Дорофеевонь колга
Ушедомась тяса: http://smotnik.ru/feed/item/25532-2020-06-05
1918 кизоня З. Ф. Дорофеев кочкафоль делегатокс Васенце Всероссийскяй учительскяй съезду Томбовскяй губерниянь учительхнень эзда. Съездта меле сон ётась аф кувака курст народнай образованиять демократизациянц тонафнема тевть одукс ладяманц колга.
З. Ф. Дорофеев мъзярдонга ашезе кадонда инь кельгома тевонц - сёрмадомать - сёрмадсь сон тяни эсь кяльсонза - мокшекс. Сире ломаттне мяляфтсазь сонь «Нюрямонь моронц», конань сёрмадозе нинге 1917 кизоня. Тядясь мороса панчсесы ваймонц. Тя моли нинге фольклорста, въдь ломанць сембе кенярдеманц и пичефксонц пачфнезе мороть вельде.
Нюрямонь мора
Идняй, удок. Весь пяк шобда.
Монцьке катк удан.
Ванды антте танцти товда,
Нармоння кундан.
Кулхцонтт, мезе мон тейть азан:
Аляце аф сай…
Норак, шявнят толти лазан,
Тютю-люлю, бай!
Кафта кизот ни вов ётасть,
Кода калмаф сон.
Ломатть вицть, инзасть и сокасть,
Лядонь ськамон мон.
Ширемсь куднеськ, велясь пряняц,
Модати люмбай.
Ризфти потмонязе шянядсь,
Тютю-люлю, бай.
Оцю азорсь, козясь, баярсь
Сърхкафтсь кальдяв тев.
Ваймонязе эздост аердсь…
Кургозост пси кев!
Мес изь моль аляце инксост
Войнав тюрема -
Повазь сонне веры пикссост…
Музе куломась.
Кие тейнек стака пингста
Лезксонц мархта сай?
Аяш пичеди минь инксонк,
Тютю-люлю, бай!
Сире мастор лангонь тевське
Меки аф мърдай.
Удок, удок, ёмла лефкскяй,
Тютю-люлю, бай.
З. Ф. Дорофеевонь революцияда мельдень творчествац ламода сяда келемсь тематическяй, художественнай и жанровай ширде. Сон сёрмады азкст, публицистическяй произведеният, кочкси народнай морот, лама ётафни рузонь кяльста.
«Кончик большого пальца», «Лубяная и серебряная кошелка», «Колма братт», «Как парень служил солдатом», «Русь», «Учительть вазец», «Пяльхкяпряня».
Нолдась рузонь и мокшень кяльса народнай моронь сборникт: «Песни и думы народного учителя», мокшень кяльса лирическяй сборник «Эсь мороньке» («Наши песни»).
«Шити» стихотворенияса, кона тяштьф 1912 кизоня,авторсь сёрмады:
Что ты ярко cветишь, cолнце золотое?
Или ты не знаешь горе мировое?
Кровь большой рекою льетcя от наcилья...
Сердце груcтно бьетcя, бьетcя от беccилья...
Скоро ли прибудет день тот недалекий,
Мир когда воcпрянет к иcтине выcокой?
«Скоро, cкоро... близок», - cолнце отвечало
И еще нещадней, ярче запылало.
В 1990 г. Мордовcкяй книжнай издательcтвась рузонь и мокшень кяльса нолдазе книганц «Окрыленные мечтания» («Пацяяф мяльхть»).
Тя фотокарточкаса: Первомайскяй ульцяса кудсь, коса эрясь Захар Федорович Дорофеев. 1971 кизоня 20 сентябрьста ётась мемориальнай седяфть торжественнай панжемац, коса сёрматф: «Тя кудса эрясь Захар Федорович Дорофеев 1918-1923 кизотнень эзда»; З. Ф. Дорофеев ётаф сяда кизонь 20 кизотнень эзда
Натали ИВОЛГИНАСЬ