Атякш ды киска
Атякш ды киска
Эрястьаштесть атят-бабат. Сынст ульнесь кискаст ды атякшост.
Весть кискась корты атякшонтень: - Адя оргодтяно, Петька, вирев.
- Адя, - мерсь атякшось, — тосо седе берянь а ули... Ды тусть ков сельмест неить. Чинь чоп мольсть. Мусть ундов чувто. Атякшось кирнявтсь тарад лангс, кискась эцесь ундонтень, матедевсть. Валскень стязь атякшось серьгедсь: «Ку-ка-ре-ку!».
Маризе ривезесь. Сась превезэнзэ каванямс эсь прянзо тантей сывельде. Мольсь чувтонть малас ды кармась шнамо атякшонть: «Истямо мазый нармунь зярдояк эзинь некшне: толгат якстереть, вайгелеть теке цёковонь! Ливтяк седе малав».
- Мезекс? - кевкстизе атякшось.
- Мольтяно монень инжекс: течи од кудос эрямо ютан, тешкстамо пурнан, кснавт анокстынь.
- Паро, мерсь атякшось, - ансяк ськамом а молян, оям ули.
«Вана те уцяска! - нолштызе турванзо ривезесь, — вейке атякшонть таркас кавто улить».
- Косо эно оят? - кевкстизе кувака пулось. — Сонзэяк инжекс тердьса.
- Оно, ундо потмакссо уды, - мерсь атякшось.
Ривезесь варштась ундонтень, кискась – цап нерде ды панксонь-панкс сезнизе.
Мокшонь кельстэ ютавтызе
В. БАРЦАЕВА