АНО "Редакция газеты "Примокшанье"

Национальная тематика: Оймсема лагерьсэ

Национальная тематика: Оймсема лагерьсэ

Кизэнь шкасто мон оймавтынь «Приморский» пансионатсо. Сон ашти Россиянь лембе таркасо, Раужо морянть вакссо. Зярдо мон тов ардынь, монень сеске весе вечкевсь. Минек отрядсо ульнесть пек вадря ялгат ды вожатойть.

Эрьва чи, валске ды чокшне, минь якинек экшелямо моряс. Сон ульнесь пек мазый ды цитнесь чинть каршо. Покш ломантне тесэ ардтнесть катерсэ ды гидроскутерсэ. Берёксто парсте неявсть мазый пандтнэ ды Новороссийск ошось.

Ламоксть якинек экскурсияв, а седе пек монень вечкевсь аквапаркось. Тосо минь ардтнеме ведень пандо лангсто ды экшелиме бассейнасо.

Неть оймавтома читне ютасть пек бойкасто ды кувать а стувтовить.

Полченков Алексей, 8-це классонь тонавтниця

Пек паро кизэнь порась! Кизна марявить нармунень морот ды качады кстыень тантей чине. Те шкасто весе ломантнень ламо тевть, конатнень эряви теемс бойкасто, вадрясто ды эсь шкасто.

Каникулань васенце читнестэ мон якинь лагерев. Тосо ялгатнень марто налксинь налксемасо, ловнынь ёвкст, ёвтнемат ды стихотвореният. Кудосо лездынь тетянень ды аванень тевень теемстэ.

Сеедьстэ якинек вирев кстый мельга, конатнень эйстэ пидинек тантей варения. Каникулань меельце ковсто анокстынь од тонавтнема иентень.

Кабаева Екатерина, 7-це классонь тонавтниця

Еще материалы

Комментарии