Торбеевские новости

Ванфнесазь мокшэрзянь койхнень

«Аллегро» клубса лац ладяф культурань ширде работась. Тяса и кштийхть, и морайхть, и аноклайхть КВН-онь турнирс. А нинге клубса оцю васта макссеви декоративно-прикладной творчествати. Кепотьксонди, вов ни аф фкя киза тяса работай «Фантазия» кружоксь, коса торбеевань аватне стакшнихть украшеният.
- Сембоц кружокозонк якай 25 мастерица, - азонды «Фантазия» клубть вятиец Валентина Яковлевна Шумкина. - Тяза сашендыхть аф аньцек газокомпрессорнай организациянь работникне, синь идьсна. Минь примсесаськ кажнайть, кинь мялец тонадомс стакшнема, анокламс мазы някат. Ули етксонк и аля. А.И. Рудольф керси шуфтста пяк удалаф фигуркат. Аваньке лама вий путнихть разнай техникань вельде вышивкати. Лямбе валхт азолень тяфтама мастерицаньконь колга, кода Т.Е. Целинать, А.Н. Ешакинать, Т.А. Беляковать, Т.В. Каменевать, В.В. Келасевать, В.А. Есинать, С.И. Шиндяйкинать и лиятнень колга.
Валентина Яковлевнань валонзон коряс, аватне мяль вельде кярьмотькшнихть тя или тона мокшэрзянь нарядть, салфеткать или лия някать стаманцты. Сембе мастерицатне рузават, и тейст пяк интересна сотцемс мокшетнень и эрзятнень койснон, обуцяснон. Пяк дивандафты, кодама мазыхть и сяконь пяльде кропотливайхть узорхне, стамань технологиясь. Но ся мазышись и саласы синь мяльснон. Фкя работать анокламс тушенды аф фкя ши, а койста и ков. Штоба нарядсь лац-ряц лисель, кода мярьгомс, аф визькс сонь улель няфтемс ломаненди, мастерицатне васенда лувихть книгат мордовскяй нарядтнень колга, мушендыхть сире пингонь панархт, пряс путомапяльхть, конатнеть крхкаста ванондсазь. Сотцесазь техникать и фотографиятнень вельде.
Украшениятнень сидеста сявондсазь разнай выставкас, и синь тоса сатнихть призовой вастт. Кепотьксонди, меля Рязань ошса ульсь народно-прикладной искусствань выставка, и ся фестивальса «Аллегро» клубонь стаф и кодаф мокшэрзянь салфеткатне, коврикне, кяскавнятне сатозь васенце вастть. Мастерицатнень нарядсна мазопнесазь кода клубонь стенатнень (тяса тейст максф оцю васта), стане и стакшнихть украшеният эстейст кудонь экспозицияв. Пяк эрявкснихть лац-ряц стаф и тиф мокшэрзянь поделкатне, мзярда «Аллегро» клубонь фольклорнай ансамбльсь якай няфтема эсь асушинц разнай фестивальс. Синь мазоптсазь и крхкалгофтсазь артистоньконь выступленияснон. Клубса корхтайхть, што стендсь обязательна пяшкоди и лия мазы работаса.

Еще материалы

Комментарии