Калдазозкс
Срхкай Маря омба вели
Аф пяк мала ульсь тя кись
Хоть и ялга молемс пели
Мезе тият тяфта лиссь.
Содаф велети кись пяк лац
Якаф, лядонтф веньди тозк
Тоса эряй Марянь акляц
Ванды тии калдазозкс.
Афоль моль, кда афольхть терде,
Содасы кить, аф юмай.
Акляц веженць ломань вельде:
-Азость Марянди катк сай.
Коль ни тердедязь, то срхкама
Кочкась мархтонза кой-месть
Илась калдазозксонь стама,
Тиендсазь кизоти весть.
Мезе ули сянь и кандан-
Арси, кафтонькрданц щась
Вайса вадезень усманзон,
Каясь крез и кис срхкась.
Инжикс шавонькятть аф якайхть
Мезевок, но мархтот сяфть
Аклянц сембонза улихть сяка
Пара арьсикс пряцень няфтть.
Вага ни сон илядь малать
Пачкодсь аклянц кудонц вакс
Васедсть, ашкордасть и паласть
Лажатфснонды воля макссть.
Омбоце шиня синь марса
Кшиса-салса пирьфонц шарсть,
Штоб жуватась молель парста
Шава афоль уле кардсь.
Крестондасть и шра вакс озасть
Аньцек мезе тоза аф путф:
Ляпе пачат, пал и поза.
Аф стак киза тя шись учф.
Тяфта кафонест пиравасть
Илать пяк лац акляц тись
Простиндакшнесть кафта ават
Срхкась Маря меки кис.
Василий Ерцкин.