Новая Жизнь

Авай, ознок...

Авай ознок, ознок кисэнь, авай...

Лиясо а идеван ней мон.

Велькссэнь - менель, сэнь теште юткова

Ливтнить, теке нармунть, кежей дронт.

Мон а содан, авай. кода истя

Леднемс сави исень ялгань лангс?!

Коняс чувар, теке пизем кришти,

Седейстэнь сезневить сывель панкст...

Авай, неинь, кода кудот палыть,

Ават лайшить, эйкакшонь сельведть...

Сыре соманть палозь кудо ало...

Лисьмапрят, косто а саят ведь.

Ки содаволь, авай, кода стака,

Вейке раське раськень каршо стясь...

Авай, мон эсь масторланган якан,

Конань ней лемезэяк арась...

Кеман, пе те тюремантень карми...

Пазось лезды, ды панжови кись!

Алкуксонь эрямось аволь ярмак!

Алкуксонь эрямось - видечись!

Ознок, авай, ознок авай кисэнь!

Лиякс тенек Изнямо арась!

Лияньгак кармавт озномо псистэ -

Цела мастор минек каршо стясь!

Идемевсесь яла арси, кода

Лепштямс, косо эри Пазонь

Вал. Разди минек алдо лекси моданть,

Ды эсенек эйсэ палонь пал..

. Монь Россиям, майсиця Россиям,

Печтят стакат, асодавикс шкат...

Эйсэть маштыть, чамдыть, пултыть, миить,

Ялатеке эрямо кармат!!!

Вельмат, соват вийс ды кить а еми,

Кит, кува вети минек Христос.

Течи минек масторонок стоми,

ванды вельми ды кепети одс!

Мон кеман, Святойтне стясть кисэнек,

Инязорось пульзядо ашти!

Озны мартот, авай, чинеквенек,

Валозо прок торо - валдо, пшти!

Сыргози Россиям, ули виев,

Сыргостяно минсь од эрямос!

Сы од Ие, сы маней од Ие!

Ознодо ават! Эряви озкс!

Любовь ДЕРГАЧЕВА.

Еще материалы

Комментарии