Темниковские известия

Валгярькст

Айнемат - ёфкст, легендат. «Бабай, азонтта тейнек кодамовок айнема, колмочесь, мяляфтсак, азондоть, кода Иванушкась пянаклангса ардсь».

Алыяй саразкс ласькондемс. Тяфта корхнихть, мзярда ломанць абонкшни, аф содасы, мезьс, кодама тевс кундамс, коза мезе путомс. «Иванорять стирец Крымста инжикс сась, кодама - бди пяк танцти винаня усксь. Иван пчкялькс варжалезе таньфканц, а Иванорясь нокай сяда курок прдамс. Прдама васта вешенди, алыяй саразкс ласьконди».

Булдорманя - лямса, шонгарямса сиволень модамарень срафтоманя. Тиендеви пичень, кузнянь шуваня пряняста. Тараткятне нюрьхкяняста керсевихть, арайхть пацяня лаца. Булдорманять шарфтомста сивольсь срады срданянь-срданя.

Турпурня - вирень гуляня. «Турпурнятне сяда пелихть ломаньда. Ся ошса гулянятне цють аф кядьстот пупсихть видьмот, а турпурнясь ломанти аф малады».

Кару айгор. Тяфта кичкордозь-сингорязь лемнесазь серес-келес аф пяк удалаф и вийс коре лафча, но прянь шнафты ломаттнень.

Еще материалы

Комментарии