Акша кит
Оцю чудакс можна азомс велень национальнай культурать. Сувамок любой Велес и корхтамок велеряйхнень мархта, то можна кулемс сире пингонь эряфть колга. Вроди ломаттне эряйхть тяниень закононь пингть коряс, а пямятьсост тняра сире пингонь содамошида, конат панчсазь любой тайнать сире пингть эзда. Содамс тя семботь аф теждя, тянди эряви особай маштома, штоба семботь няемс, кулемс и шарьхкодемс. Лятфтасаськ волшебнай крнять: кда сюресь кштиртьф пара кядьса, то и азксь туй пара тевонь колга.
Мзярда-бди оцю васта ярмаркатнень эса занцесть мокшень эсь кядьса кодаф котфне. Тяни эсь кядьса кодаф котфнень лемнесазь калгодокс, а сядынголень пингть тя ульсь инь главнай щам-карям котфокс. Сексеть эзда сявомок и и тундати молемс крестьянкатне покодсть шинек-венек, чтоба анокламс сяда лама котфт марнек семикати. Тялось кувака, шитне нюрхкянят, но куттнень эса работась изь лотксе позда илядьс.
Роштувать самс сюре кштирдихть, а сяльде кувака ветнень эзда покодихть. Штоба сюреть кштирдемста улель валда, плхнесть щявнят. Лама вийда эрявсь путомс кштиртьф сюреть мархта. Эрявсть синь муськомс ведьса, кона шоряфоль кулу мархта, сяльде нярьгома петькольса, штоба сюресь улель сяда ляпе.
Праздникта меле куттнень эса аноклакшнезь кодамань станокснон и котцесть котфт. Февральста, кодак шись ушеды эждема, васень котфнень аццезь ловть лангс, штоба сяда акшолгодольхть. А кодак солай ловсь, эряви учемс сянгяря нарнять. Штоба лангсонза котфть акшептомс. Акша котфста кинятне пиже лугаса - тя аф азома праздниконь мазыши. Коза вятьсамазь минь тя аф содаф китне?
Пожалуй, тейнек, кода афкуксонь путешественникненди, эрявксты географиянь карта. Тяса ся нароттнень лемсна, конат лама тежятть киза эряйхть минь государствасонк. А косот картаса мокшетне? Аф оцю сенем сюреняса няфтьфт Окась, Сурась, и Мокшесь, коса эряйхть мокшэрзять нароттне, коза кочксесть васта мокшэрзянь племятне. Эрь племять ульсть сонцень коенза, обуцянза, башка ащи эрь ширде народнай костюмсь.
Фотографияса: котфонь акшептома. Н. Спрыгинать фотографияц. 1926 к.
Натали ИВОЛГИНАСЬ