Мокшень кялень кельгомась
Анна Васильевна Захаркинась сась васочнема эсь шачема крайнянцты, Темников ошти. Мяляфтсы, кода покодсь «Петушок» садикть эса.
Ся кизотнень вятсь мокшень кялень вельф максф кружок оцю группатнень эса.Тонафнема занятиясь мольсь комсь минута. Мокшень кялень занятиятне ушеткшнесть валонь тонафнемать эзда, сяльде шабатне азончнесть стихотвореният, морсесть мокшень морот и сиде моронят. Пяк мялезост ульсь ефксонь кулхцондомась. Аф весть савсь улемс иттнень мархта П. Г. Смидовичень лемса заповедникса. «Нява офта, нява келазь! - кенярьтькшнесть емла шабанятне. Ульсь садикса мокшень уженя. Тоса и мокшень мазы панархт и кархчт: пийхтембарь, шовар, томбама... Якафоль и краеведческяй музейти, пяк кельгозь церокшкятне Ф. Ф. Ушаковонь кораболензон ванондомс, колганза кулхцондомс. Тя вельф максф кружоксь пяк мелезост ульсь аф аньцек мокшень, но и рузонь шабатненди. Няйсамазь: «Анна Васильевна, шумбратада! Мзярда мокшень кялень уроксь ули?»
«Монь ваймозе Темников ошса, аньцек ули пингозе, саян. Москусонга сидеста якатама аканень-сазорнень мархта Измайловскяй парку мокшень моронь кулхцондома» - корхтай Анна Васильевна.
Мокшень кялень фольклорсь седи и калафхты, и пети. Эсонза ули стака служамась и воявамась, мокшень эрямась-ащемась, тядянь валда валсь и мазыдонга мазы шачема крайсь.
Натали ИВОЛГИНАСЬ