Кизэсь оймсема ды калонь кундсема шка
- Псись эждьсы веденть. Вишка лейтнесэ калт а эрсить. Ламо калт а эрсить сэрей таркатнень вере слойсэнтькак. Мекс? Псинть эйстэ ведьсэнть аламолгады кислородось. Ведь калось прянзо кирди кельме ведь маласо.
Неть пси читнестэ вадря оймсемс, ну аволь кундсемс калт. Тенень сехте вадря шкась, зярдо ушосо лембе, но аволь пси, аламодо моли пиземе, пуви вармине. Штобу кундамс покш кал, леев эли эрькев эряви молемс вельть рана, зярдо ведесь эште эзь лембелгадо.
Псиденть башка, кона вельть а вечкеви калонь кундсицятненень, скора, июльстэ ушодови ведь тикшень касомась. Кода свал, те вастневи селтнэсэ, эрьктнесэ ды лейтнесэ, косо ведесь пек чуди. Цветямонь шкастонть ведесь бутравгады. Се шкастонть калтнэ беряньстэ понгить. Ведень цветямонь шкастонть калонть эряви кундамс пек сэрей лейсэ, эрьксэ.
Василий Дмитриевич калонзо кундси ульмасо. Кшис вадрясто моли красноперкась, вишка сукс марто ульмантень моли головлясь. Сехте покш кундазь калтнэстэ Акимовнень понгокшнось карпось.