Сельские вести

Стихонзон рузонь кяльс етафнезень москувонь поэт

Содаф, што мокша-эрзянь писательхнень и поэтнень произведениясна етафневсть и етафневихть рузонь кяльс. Тянь вельде синь арсихть содавикс рузонь и лия народонь лувихненди. Тяфта лиссь, што рузонь кяльс етафневсть и мокшень поэтть А.С. Малькинонь произведениянза. Эряфонц пингста рузонь кяльса лисендсть тяфтама книганза кода «Слово другу», «Журавли зовут в дорогу», «Макарушка», «Осенние костры». Стихонза рузонь кяльса лисендсть лама марстонь сборникова. Сонь етафниенза ламоль. Вов кой-кинь лемсна: И. Рыжиков, Л.  Шкваро, В. Гадаев, И. Пиняев, В. Ермолаева и ст. тов. А вов, кржа кие содасы сянь, што етафниензон еткса ульсь москувонь поэт, аш аф кода лятфмамс тя фактть А.С. Малькинонь творчестваста.

Работамок А.С. Малькинонь библиографиянзон ланкса, етафниензон еткса няень тяфтама фамилия, кода Н.К. Старшинов. Приметайне, што сон васенцекссь, кие рузонь кяльс етафтозень А.С. Малькинонь стихонзон и содафтозе сонь творчестванц мархта всесоюзнай лувить. Советскяй поэтсь Н.К. Старшинов (1924-1998) аф только поэтоль, но ульсь цебярь переводчик. Сон етафнезень рузонь кяльса Северонь, Поволжьянь, Сибирень емла народностнень поэтснон стихснон. Ламонцнень мархта сон кирдсь кеме ялгаксшинь соткс, содаф што сон ульсь цебярь ялгакс эрзянь поэтть А. Мартыновонь мархта. Ульсь содафокс А.С. Малькинонь мархта 1960-це кизотнень кучкаста. Народнай поэтть азондоманц коряс, ся пингоня Саранскяйса ульсь литературнай конференция, коза сашендсть Москуста поэтть и писательхть. Синь етксост ульсь и Н.К. Старшинов. Конференциять пингста синь васедсть А.С. Малькинонь мархта. Ламос корхнесть. Эряви арьсемс, што тяка еткть Н.К. Старшинов лувондозень рузонь кяльс етафтф мокшень поэтть стихонзон. Синь тусть мялезонза. Эста сон арсесь етафтомс А.С. Малькинонь кой-кона стихонзон рузонь кяльс и нолдамс синь  центральнай периодическяй изданиятнень страницава. Синь вельдест содафтомс всесоюзнай лувихнень А.С. Малькинонь творчестванц мархта. Сонь етафтфонза васенцеда лиссть 1966-це кизоня Саранскяй ошса «Здравствуй жизнь» стихонь сборникса, коса нинге нолдафтольхть мокша-эрзянь поэттнень стихсна.

Сборникса улихть А.С. Малькинонь стихотворениянза «Березка», «Тепло материнских рук», «Махорочка» и т.д. Тя сборниксь омбоцеда лисенди 1967-це кизоня Москуса, тяка же кизоня нолдафоль «Песня ставшая книгой» стихонь сборник. Тяса печатлафтольхть А.С. Малькинонь тяфтама стихонза: «Осень», «Сын». 1967-це кизонь 2-це номер «Дружба народов» журналса печатлафтольхть А. Малькинонь тяфтама стихотворениянза: «Береза», «Махорочка». 1969 кизонь 5-це номер литературнай газетаса печатлафоль А. Малькинонь «Звездочка на рубашке» стихотворенияц. Рузонь кяльс етафтозе Н. Старшинов. Москувонь издательстваса 1972-це кизоня нолдафоль стихонь сборник «День поэзии России», тяса печатлафоль сяка же стихотворенияц. 1982-це кизоня Москуса тага нолдафоль стихонь сборник «Песня ставшая книгой» лем ала, тяса печатлафоль А. Малькинонь стихотворенияц «Знаю: над  Мокшею - осень». Азфозень эзда няйсаськ, што рузонь поэтсь Н.К. Страшинов  путнесь лама вий и эрьгя, штобы няфтемс рузонь лувити мокшень поэтть лемонц и творчестванц. Тя статьяса лятфтавихть А.С. Малькинонь рузонь кяльса стихонзон кой-кона етафниензон лемсна. Синь эздост лама. Астама теест пара вал сянкса, што синь вельдест келиста пачкодсь поэтть творчествац рузонь и лия народонь лувихненди. А минь марятама оцю гордость сяс, мес мокш-эрзятнень еткса лиссь тяфтама смузю ломань.

Василий Сиркин, Россиянь журналистонь Союзть членоц.

Я знаю: над Мокшею-осень

Я знаю: над Мокшею-осень.

Дожди, Бездорожье. Грибы.

Свою осторожность отбросив,

Сорока сидит у трубы.

Я знаю: над Мокшею  осень

И тянутся птицы на юг.

И смотрят печально на озимь

Свершая прощальный свой круг.

Я знаю: над Мокшею - осень

Довольствием входит в дома.

Всем браги медовой подносит

И песни заводит сама.

Я знаю: над Мокшею - осень

На свадьбу идет она в клуб

Ей рады невеста и гости

И знатный жених, лесоруб.

Я знаю: над Мокшею- осень.

В дома новоселов она

Соседей пожаловать просит.

Щедра. Бескорыстна. Ясна.

Береза

Вон березка-скромница

На бугре, вдали

В непогоду клонится,

Гнется до земли.

Зябко по-осеннему

Все равно она

Рада, что не где-нибудь,-

Здесь вот рождена.

Нет, недаром в самую

Глубину земли

Цепкие, упрямые

Корни проросли.

Шаль ее зеленую

Осень сорвала,

И водой студеною

Тело обожгла.

Но березка держится!

Вот к весне, постой,

Как мокшанка-девушка

Вновь блеснет фатой.

Ей в деревне нравится-

Этим и горда.

Что же ей, красавице.

Рваться в города?!

Етафтозень Н. Старшинов.

Еще материалы

Комментарии