Сельские вести

Од стихт

Мора мокшень краезти

Мокшень краезе, мон тееть мора моран.

И тя моросон тонь колгат пара валхт:

Тяса шачень, тяса касонь- мокшень церан,

Пара мялезон мзярда эсот шнайхть.

Шнайхть тонь сянкса-тевце парста моли,

И аф визькс мес фталу ашеть ляд.

Лангозт ванозь мяльцевок аф коли.

Нолдамс пряцень вестьке ашить кад.

Кепотьф прят, тон етайть стака пинкнень,

И эрь кизоть вяри най куцят.

Пара тевса вятьсак тон минь киньконь,

Сянкса пряцень инксонк аф муцят.

Мокшень краезе, тонь эряфце лац ладяф,

Хоть и эряй васток пупордат

Катк тонь кяттьне пуворксуфт аф вадяфт,

Стака кистот меки аф мрдат.

Апак сизек инголи тон кялят,

Пади корхнесть: "Юмама тяфта тусь".

И тят пичедь, эряфоньберьф мяляфтк

Тежянь кизот мархтот ряцок Руссь.

Конанц мархта аф пелят зиянда,

Конанц мархта тяфтама эряфсь сатф,

Марса тападе тинь лама кида-янда

Ашель стама, штоба улелеть тон катф.

Ульхть шумбра! Мон пара тееть арьсян,

Катк эрь кизось парста тееть сай,

Молест тефне тонь Россиять мархта

Тундань панчфокс панчт тон Мокшень край.

Сире пингонь рьвяяма

Урма мон фатянь эста апак ватт.

Пялонк праздник шиста инжихть састь,

Лия вели молихть- тят кудат,

Тостонь стирь рьвянякс теень шнасть.

Шачфтыне рьвяяфттядязь мярьгсть,

Кельгсак или аф- тя тевсь аф минь.

Кургозост тят валхне кода тяльгсть

Церань пингозень синь тяфта тапасть-синдсть.

Мезенкса прась прязон тя урмась?

Кемсисемге вдь нинге теень аш.

Стакащемда одкс пингозе юмась,

Штоб меки аф мрдамс сон фталу шаштсь.

Лисендемс ба теень ялга еткс,

Оттнень мархта эрь илядьня тархт,

Но лиссь тяфта сотнесть кеме соткс

Тяни арай авать перьфкя шархт.

Мялецоль ли молемс рьвакс стирть?

Кизода сон сяда одоль, сяка шназь.

Тя илати сиретне тисть пир

Маладоме стакаста куфкстазь.

Кизефтине кода лемце тонь,

Мес руцяса шамаликце кяшф?

Тяфта тиезь, рьвясь тяни монь

И тят визде мазышицень няфтьк.

Ащемода эвфнемань урмась

И юкстайне одкс пингонь ульцять.

Мазышинц мон няень, пелькссь юмась.

Мзярда шамаликста валхтсть руцять.

Пингонь етазь тонадоме минь.

Сон ведькс шуди, ванат итть ни шачсть…

Тяни павазсь ряцок, няйсасть тинь,

Кельгозь марса эряфть явоськ пачк.

Василий Ерцкин.

Еще материалы

Комментарии