Сельские вести

Тя таколфты и арьсефти

А вов тяниень пингнень, лувксоньке ламода кирсь. Тянди лама туфталда. Васенцесь ся, што Россияса кальдявгодсь демографическяй ситуациясь. Кулыда лама, а шачида кржа. А нинге лувкссна кирсь сянкса, што переписть пингста ламоцне керьмодезь эсь пряснон русснень еткс. Кле, минь аф маштама мокшекс корхтама. Синь рузыясть. А тядясна-алясна и атясна-бабасна мокшет.

Тя туфталсь таколфты и арьсефти сяс, мес инголи национальность шири ванондсть суроньбачк. Тянь сюнеса, кой-кит «рузыясть», но сембе сяка, кият тон? родословнайстот аф нардави, а одукс аф сермадоват.

Тяни сембе ширде мольфтеви 2010-це кизонь переписти анокламась.

Кепотьксонди, Мордовскяй диаспорань эряйхнень еткс якайхть Мордовияста делегацият. Конат азонкшнесазь мокшэрьзятнень историяснон и няфнесазь культураснон. Диаспорань эряйхнень тернесазь сянди, штоба видекс сермадолезь эсь нацияснон лемонц.

Пара улель, кда миньцонк велева, предприятиява етафтовольхть пуромкст. Коса азонкшневольхть мокшэрзятнень историясна и койсна. Содамок историяньконь, пара седиса арьсесаськ нацияньконь сай пингонц колга.

Вдь кие, кда аф минць ванфцаськ эсь нацияньконь.

Василий Сиркин.

Еще материалы

Комментарии