Сельские вести

Кяшалонь лихтибрятне

Кортайхть, што эрясь Батор. Сембода тазась и козясь лиятнень коряс. Сонь тазашинц колга корхтай ся, што ердазе сембе вийса узеренц паксяв, и ся вастти строясть эряма кутт татархне. Тя веленять лемоц тяни Пишляй. Мзярда сон сиредсь, шувфтсь кельгома алашанцты калма. Тоза путсь корма, кона сатоль колма кизонди. Алашать калмазь. Пинге етазь марявсь алашань цяфама. Тя цяфамать эзда зрнась сембе велесь.

Золотанзон Батор калмафтозень модати. Перьфпяльдень эряйхненди ашель васта. Вешсть ня золотатнень эса. Шувондозь модать. Шувихть лотка, вдруг кулеви: «Степановкась палы!» Сембе ласькозь туйхть пожарть ванома. Пачкодихть, а тоса сембось лад, пожар аш. Меки ласькихть шувф лоткти, а сон калмаф, вакссонза ломатьке аш. И тя загадкать кивок ашезе шарьхотькшне, аньцек макссесь пелема. А шувонтф васттне тянемс содавихть. Сонць Батор, корхтайхть, калмаф золотань лазксс, сембода сери вастти. Шинь васень сюролдатне прашендсть калмонц лангс и валдопнезь сонь.

Лихтибряста тарксесть сяканя ярмак мархта, но аф золотань ярмакне ульсть, а Елизовета 1 оцязоравать пингонь. Ня вастса войнада меле таргасть торф уштомбяленди. 1950-60 кизотнень оцю лихтибрясь лаказь лакась. Торфонь таргамста бульдозерхне шорязь вастть, и сон калмавсь. Но сяка кемоньшка метра вастть эзда лихтезе кельме и валда веденц лихтибрясь. Отец Алексей, тяниень велень священниксь, светиндазе сонь. Максфоль анализс Москуву, тоста азозь, што ведец целебнай.

Лихтьсы веднянц лихтибрясь, и тя лихтемась сотнесыне векнень фкя-фкянь мархта, а тейнек эряви содамс и мяляфтомс, коста ушедыхть минь юроньке, кодама кит етасть минь атяньке, штоба эрялеме минь павазу эряфса и афолеськ юксне историяньконь, и тянемс симнесамазь ару и кельме ведняда.

Андрей Сятишев, Кяшалонь школань 7 классонь тонафни.

Еще материалы

Комментарии