Новости Fri, 10 Apr 2026 06:10:10 GMT ru 20 smotnik.ru Последние публикации на сайте http://smotnik.ru/data/logosmotnik.png http://smotnik.ru http://atyashevovpered.smotnik.ru/ Новости Михаил Александрович Кудашкин чачсь-кассь Козловка велесэ, сестэ те ульнесь районной центра. Тиринь велесэ эри 69 иеть, бути а ловномс армиянь колмо иетнень. Эрзянь церась служась Северной флотсо морякокс. Сась, - урьваксь каршо ульцянь тейтерь лангс, течимо-чис сынь эрить вейсэ – вечкезь, мелень ванозь. Михаил Александрович ды Надежда Александровна тевс чарькодицят, чевте ойме ломанть. Даволковонь 17-це чистэ Кудашкитнэ якасть Саранскоев, Яушев лемсэ театрав, козонь сакшнось вечкема артистэст – Валерий Семин. <a href="http://atyashevovpered.smotnik.ru/feed/item/31933-2025-02-24">Читать полную версию...</a> Михаил Александровичень туртовгак пазось макссь гармониясо седямонь ерокчи. Эдь седикелень шкатнестэ гармониянь гайтесь каятыль эрьва велень ульцясо. Сонзэ вайгелезэ ломантнень седейтнесэ ращтыль эрьва кодат ежомарямот. Лужанясь &ndash; авардстянзат, эрьгелицясь &ndash; киштевтянзат. Тетянзо гармониясь ней кадовсь Михаил Александровичнэнь. Сон тонадокшнось седямо совсем эйкакшпорасто, школавгак оште эзь яка. Школасо явсь мель баянсо седямонтень. Армияв тумадо икеле важодсь клубсо, ульнесь худрукокс.&nbsp; Анокстыль од ломантнень марто&nbsp; эрьва кодат концерт. Тердтнилизь од церанть седямо свадьбав ды кенярксчив. - Мон цела пинге седян баянсо. Весе седейсэ вечкса те тевенть! &ndash; корты Кудашкин. Пенсияс лисемс церась важодсь колхозсо механикекс, мейле инженерэкс. Ютко шкась аламоль, яла теке саилизе кедезэнзэ баянонзо ды седиль. Соды эрьва кодат морот ды наигрышть. Икелень шкатнестэ седицятнеде велесэ ульнесть ламо. Пек мельстуицяльть шкатне, допрок лияльть. А ней весементь полавтызе смартфонось, ды а стяко&nbsp; - те тевенть поладыцянзо семиясо арасть. Гармонистэнть валонзо коряс, кармавтозь киньгак эзь кармавто, эряви, штобу те мелесь-бажамось молезэ седейстэ. Эрьва чистэ Михаил Александрович седи вечкевикс нинзэ туртов! http://atyashevovpered.smotnik.ru/feed/item/31933-2025-02-24 2025-02-24 10:11:06 Mon, 24 Feb 2025 10:11:06 +0300 Новости Кода карминек содамо, «Иненармунь» мазычинь ды шкинемань пелькстамонь изницятнень ютксо, кона ютась ацамковсто Саран ошсо, Отяжбуень Дюркина велень тейтересь – Екатерина Евстигнеева! Евтатано тензэ поздоровт пелькстамосо 1-це таркань изнямонть марто ды теевтяно седе малавиксэкс. <a href="http://atyashevovpered.smotnik.ru/feed/item/30991-2025-01-13">Читать полную версию...</a> - Мон чачинь-касынь Дюркина велесэ. Тетям &ndash; Иван Вячеславович Евстигнеев &ndash; Аловелень, важодсь механизаторокс; авам &ndash; Александра Михайловна &ndash; микшницякс. Сынь чевте седей, ванькс ойме, важодемань вечкиця ломанть. Сынст эрямост кармась тень невтемакс: эсь тевенть эряви топавтомс оймень путозь, - корты Катя. Бакалавриат ды магистратура тейтересь прядсь М.Е. Евсевьев лемсэ МГПУ-нь филологиянь факультетсэ, аспирантуранть &ndash; МР-нь Правительстванть пингсэ гуманитарной наукань НИИ-сэ. Ней важоди фольклористикань коряс кандидатонь наукань лементь лангс диссертациянть лангсо. Важоди &laquo;Мордовия&raquo; ГТРК-со корреспондентэкс ды телеэфирэнь ветицякс. Нама, эрьвась эйстэнек некшнызе телевизорсто те мазый ды ероков тейтеренть. &laquo;Россия вейке&raquo; телеканалсо валскень эфирэсь &ndash; сонзэ профессиональной сценазо, косо евтни Мордовиянь кулятнеде покштянзо-сырькаензэ кельсэ. &laquo;Весенень шумбрат! Монь лемем Екатерина Евстигнеева!&raquo; - марясынек&nbsp; чевте вайгелензэ. Эрьва чи корты эрьва кодамо кельсэ: телеэкранонь, наукань, искусствань, спортонь&hellip;&nbsp; Сон &ndash; журналист, телеэфирэнь ветиця. Эрьва чизэ &ndash; эрзянь ды мокшонь культурас чопавтема. Пачти весеменень минек региононть эрямодо. Эрьва репортажонть анокстамозо &ndash; те сядо вайгельбеть, ламо седейс токиця вастовомат. Катянь туртов те покш оймень тев: муемс, марямс, невтемс сех эрявиксэнть ды ванстомс сех питнеенть &ndash; келенек ды культуранок. Сон аноксты эрзянь ды рузонь кельсэ документальной проектт, конатне содавтыть минек раськетнень сюпавчинть марто. Ютазь иестэ Екатерина Евстигнеевань телевизионной программанзо кармасть россиянь ды раськеютконь фестивалень изницякс ды лауреатокс. Те Ханты Мансийск ошсо &laquo;Спасти и сохранить&raquo; телефильмань раськеютконь фестивалесь. Весероссиянь фестивальтне &ndash; &laquo;Золотое кольцо России&raquo; (Ярославльсэ), &laquo;Голоса Евразии&raquo; (Махачкаласо), &laquo;Народные промыслы&raquo; (Кировсо), &nbsp;&laquo;Музеи России&raquo; (Санкт-Петербургсо), &laquo;Берега&raquo; (Тарусасо). Екатерина &ndash; Россиянь журналистэнь&nbsp; Союзс совиця. Наукасо важодемазо &ndash; фольклористиканть коряс кандидатонь диссертациянь сермадомась. Мордовиянь велетнева ардтнемстэ сон кунсолы кезэрень пингень вайгельть, сермады фольклоронь морот ды койть. Теке марто, сон &ndash; тонавтыця, конась нацяс велявтсы студентэнь аудиториянть алкуксонь студияс. Евсевьев лемсэ МГПУ-нь филологиянь факультетсэ содавты студентнэнь тележурналистикань искусстванть марто. 2024-це иестэ Катянь ульнесь налксицянь дебютозо. Налксизе Литова эрзянь авань прявт роленть, кудораськень койтненень алтазь путовкссо. Лиснесь сцена лангс &laquo;Ламзурь&raquo; ды &laquo;Вармава&raquo; фольклоронь куротнень марто. Тейтересь пек вечки ардтнеме минек масторонь оштнэва. Ульнесь Россиянь комсте ламо регионтнэсэ: ловов Мурманскойсэ, чипаев Махачкаласо ды Дербенсэ, кевень Санкт-Петербургсо ды вирев Ханты-Мансийскойсэ&hellip; Шкинеманть эрзянь тейтересь вейсэнди спортонть марто &ndash; яви мель пауэрлифтингентень. Вана уш колмо иеть кемексты оймензэ ды рунгонзо. Ютко шкасто сермады валморот &ndash; эсь стихотворениянзо марто лисекшнэсь изницякс пелькстамосояк. Тонавтнема шкасто Катя сайкшнэсь сиянь медаль Россиянь Федерациянь республикатнень государствань кельтнень коряс студентэнь олимпиадасо ды мик пачтсь эсь эрзянь раськеденть Федерациянь Советс. Эрьва косо: телеэфирсэ, университетэнь аудиториясо, спортзалсо, - свал Катя канды эрзянь авань башка чинть, те &ndash; вий, ерокчи, кеме ойме. - &laquo;Иненармунесь&raquo; монь туртов &ndash; неень шкань авань знамя. Минь &ndash; аволь музеень экспонат, минь &ndash; эрикст, виевть, ламо ендо сюпавт ды мазыйть. Минь кортатано те масторонть марто кезэрень койтнень ды вандынь чинь технологиятнень кельсэ. Мон &ndash; эсь раськень тейтерь, - корты Катя. &nbsp;Минь, Отяжбуень эрицятне, аштетяно кувалманзо покш мельспаросо. Арсетяно, Иненармуненть инетевдензэ марятоно оште а весть. http://atyashevovpered.smotnik.ru/feed/item/30991-2025-01-13 2025-01-13 11:48:43 Mon, 13 Jan 2025 11:48:43 +0300